Стэнд Інфармацыйнага Бюро Салідарнасці з Беларуссю на імпрэзе "Салідарныя з Беларуссю 2013" у Варшаве

Наведнікі імпрэзы актыўна цікавіліся сітуацыяй у Беларусі, разбіралі інфармацыйныя матэрыялы, рабілі фотаздымкі.

Канцэрт “Салідарныя з Беларуссю” – штогадовая акцыя, якую арганізуе ініцыятыва “Вольная Беларусь” для падтрымкі беларускага грамадства. На канцэртах, якія адбываюцца штогод ад 2006 года, выступаюць беларускаія і польскія музыкі, а таксама запрошаныя госці – палітыкі, грамадскія і культурныя дзеячы абодвух краін. Падчас гэтагодняга канцэрту загралі беларускія гурты Дзецюкі, Лявон Вольскі і Крамбамбюля, ды польскія Izrael i Stracy na Lachy, сярод запрошаных гасцей выступілі жонкі беларускіх палітвязняў Наста Дашкевіч, жонка Зміцера Дашкевіча, Марына Адамовіч, жонка Мікалая Статкевіча, і Наталля Пінчук, жонка Алеся Бяляцкага, еўрадэпутат Павел Залеўскі, легендарная дзяячка “Салідарнасці” Генрыка Кшыванос і іншыя.

Вядоўцамі канцэрту былі польская журналістка Юстына Джбік і беларускі музыка і актор Зміцер Вінсэнт Папко, які напісаў музыку для фільма “Беларуская мара”, а таксама сыграў галоўную роль ў польска-беларускім фільме “Жыве Беларусь”.