В. Сіўчык: “Дыктатура – гэта рэальнасць, як для палітычна актыўных, так і простых грамадзян”

У Кіеве прайшоў марафон салідарнасці. 19 снежня, у гадавіну падзеяў на Плошчы, адбыліся дзве акцыі, ініцыянаваныя “Беларускім Цэнтрам” ва Украіне.

А 17-й гадзіне каля расейскай амбасады больш за 50 чалавек (у тым ліку беларусаў і прадстаўнікоў украінскіх палітычных структур), правялі акцыю “Рукі прэч ад Беларусі”.

Людзі трымалі ў руках плакаты з лозунгамі “Масква, пакайся!”, “Свабоду народу, свабоду чалавеку!”, “Не – маскоўскаму імперыялізму”, “Жыве незалежная Беларусь, хай жыве вольная Україна!”, а таксама нацыянальныя і партыйныя сцягі.

А 19-й гадзіне адбылося пікетаванне беларускай амбасады ў Кіеве. Дзесяткі людзей запалілі свечкі салідарнасці з беларусамі. Выступоўцы – дэпутат Вярхоўнай Рады Украіны Андрэй Парубій, Вячаслаў Сіўчык, Аляксандр Гудзіма, Ігар Мазур – былі абураны апошнімі арыштамі ў Менску і катаваннямі беларускіх актывістаў.

Удзельнікі акцыі на працягу гадзіны скандавалі “Свабоду палітвязням!”, “Дыктатуры – НЕ!”, “Банду лысага пад суд!”.

Прэс-служба “Беларускага Цэнтра”

Спасылкі:

5 канал

Ukr.net

Школа журналістыкі

SuperNews

УНІАН