Председатель Совета Республики Национального собрания Анатолий Рубинов посетил Лидский район. Гродненская область

13 мая в Лиде прошло заседание Совета по взаимодействию органов местного самоуправления при Совете Республики на тему «О работе местных Советов депутатов Лидского района по созданию условий для развития туристско-экскурсионных услуг и агроэкотуризма». Открыл его председатель Совета Республики Анатолий Рубинов.

Каментар

У апошні час актывізавалася дзейнасць органаў улады па развіццю турыстычнай галіны ў рэгіёне. Нягледзячы на прымаемыя раней праграмы па развіццю гэтай галіны і пэўныя пазітыўныя зрухі эфектыўнасць іх выканання застаецца невысокай. Валютны крызіс, які напаткаў эканоміку краіны, і адсутнасць сродкаў для яго вырашэння нарэшце прымусілі цэнтральныя органы ўлады болей сур’езна прыгледзецца да магчымых шляхоў прыцягнення валюты ў краіну. У 2010 годзе экспарт паслуг склаў 146,7 млн. доллараў, а Беларусь наведала каля 4 млн. замежнікаў. Зараз для кіраўніцтва краіны любыя валютныя сродкі маюць значэнне.

Яшчэ 11 мая на базе ГрДУ ім. Янкі Купалы праходзіла нарада па абмеркаванню стану і перспектываў развіцця турызма на Гарадзеншчыне з удзелам дырэктара Дэпартамента па турызму Мінінстэрства спорта і турызма, а 13 мая для абмеркавання той жа тэмы з прадстаўнікамі мясцовага самакіравання прыязджаюць сенатары. Варта зазначыць, што на Гарадзеншчыне захавалася значная колькасць культурна-гістарычных аб’ектаў, якія маглі бы выклікаць цікавасць у замежнікаў, у дадатак існуюць істотныя магчымасці для развіцця агра- і экатурызма, што акрамя валютных надыходжанняў магло бы станоўча ўплываць на стан беспрацоўя.

Аднак улічваючы тую ролю, якую граюць мясцовыя саветы дэпутатаў у сённяшняй сістэме мясцовых органаў улады, сустрэча сенатараў з прадстаўнікамі органаў мясцовага самакіравання з’яўляецца толькі дэкларацый жадання змяніць сітуацыю, якая не прывядзе да істотных зрухаў. На сённяшні час адсутнічае зацікаўленасць мясцовых органаў улады ў развіцці на сваёй тэрыторыі дробнага бізнэсу, які не прыносіць значных падаткавых збораў у мясцовыя бюджэты.