Гарадзенская міліцыя папярэджвае журналістаў напярэдадні акцыі 21 верасня

Некалькі гарадзенскіх журналістаў, якія працавалі альбо працуюць для беларускіх СМІ ў Польшчы – “Радыё Рацыя” ды “Белсат”, атрымалі званкі з міліцыі. Журналістаў запрашалі прыйшці ў РАУС на размову наконт магчымага ўдзелу ў акцыі 21 верасня.

Каментар

Беларускія спецслужбы загадзя пачалі рыхтавацца да маўклівых акцый, якія запланаваны на восень, і на гэты раз не прапусцяць іх пачатак у адрозненне ад першых чэрвеньскіх акцый.

Улады могуць скарыстаць апрабаваныя раней спосабы ізаляцыі найбольш небяспечных удзельнікаў акцый, інфармацыяй аб якіх яны валодаюць. У выпадку з маўклівымі акцыямі найбольшая небяспека зыходзіць ад прадстаўнікоў незалежных СМІ, якія асвятляюць правядзенне акцый.

У выпадку з маўклівымі акцыямі найбольшая небяспека зыходзіць ад прадстаўнікоў незалежных СМІ, якія асвятляюць правядзенне акцый.

Спецслужбы імкнуцца прадухіліць інфармацыйнае суправаджэнне маўклівых акцый з мэтай блакавання распаўсюду інфармацыі сярод пратэстных групаў насельніцтва і тыражавання яе ў заходнія СМІ, у выпадку брутальных дзеянняў спецслужбаў у адносінах да дэманстрантаў. Пасля жорсткіх дзеянняў у адносінах да прадстаўнікоў незалежных беларускіх СМІ, якія былі аштрафаваныя альбо кінутыя на некалькі сутак за краты падчас летніх акцый пратэсту, спецслужбы імкнуцца запалохаць і прадухіліць іх удзел у плануемых восеньскіх акцыях. Пры гэтым яны выклікаюць журналістаў беларускіх СМІ, якія знаходзяцца за мяжой і не маюць беларускай акрэдытацыі – Радыё Рацыя і Белсат.