en
Красавік 15 – Красавік 21, 2024
Кіруючы клас

Анёлы-ахоўнікі рэжыму — хто яны?

Сітуацыя не змянілася
Анёлы-ахоўнікі рэжыму — хто яны?
Фота: elements.envato.com

Сілавікі застаюцца аднымі з галоўных бенефіцыяраў лукашэнкаўскай улады. Яны ўмацавалі апаратную вагу ў кіруючым класе па выніках палітычнага крызісу 2020 года. Ахоўнікі рэжыму граюць істотную ролю ў рэгуляванні эканамічных адносін і пераразмеркаванні дзяржаўных рэсурсаў.

Парламентары надалі сілавікам чарговы супердоступ да звестак пра насельніцтва без згоды на гэта саміх людзей. Пры гэтым супрацоўнікі шараговага і малодшага начальніцкага складу следчага камітэта атрымліваюць прэферэнцыі: іх вызваляюць ад абавязку штогод падаваць дэкларацыі пра даходы і маёмасць.

Лукашэнка працягвае расстаўляць на палітычныя пасады асобаў з блізкага асяроддзя і выхадцаў з сілавога блоку. Як вынік яны ўмацоўваюць апаратную вагу і атрымліваюць усё большы доступ да кіруючых пасад у “цывільных” ведамствах, а таксама на дзяржаўных і прыватных прадпрыемствах.

Адзін з пілотаў прэзідэнцкага борта № 1 стаў дэлегатам Усебеларускага народнага сходу. Таксама Лукашэнка зацвердзіў прызначэнне ў ЦВК высокапастаўленага сілавіка. Кампанію МТС узначаліў кадэбэшнік Уладзімір Козыр.

З 2020 года ўсталявалася тэндэнцыя ўзмацнення апаратнай вагі сілавікоў у кіруючым класе. Гэты трэнд пачаўся з замены прэм’ера-тэхнакрата Сяргея Румаса на экс-кіраўніка ваенна-прамысловага комплекса Рамана Галоўчанку.

Сілавікі граюць істотную ролю ў рэгуляванні эканамічнай дзейнасці дзяржсектара як на нацыянальным узроўні, так і ў рэгіёнах.

Лукашэнка асабіста факусуе ўвагу сілавога блока на прыярытэтных кірунках — напрыклад, у сельскай гаспадарцы. Палітык правёў чатырохгадзінную нараду аб развіцці вёскі і павышэнні эфектыўнасці аграрнай галіны. У рэгіёнах ладзяцца сумесныя кансультацыі сілавікоў і чыноўнікаў па сітуацыі на сельгаспрадпрыемствах, як, напрыклад, у Баранавічах.

Апошнімі гадамі фіксуецца тэндэнцыя на пераразмеркаванне сродкаў на карысць сілавых ведамстваў. Гэта негатыўна адбіваецца на бюджэтных выдатках у іншыя сферы.

Сілавікі прымаюць захады па матывацыі і дысцыплінаванні рэгіянальных аграбаронаў антыкарупцыйным пераследам. Прычым увагу ахоўнікаў рэжыму прыцягваюць кіраўнікі сельскагаспадарчых прадпрыемстваў сярэдняга і ніжняга звяна. Так, сілавыя органы пачалі каардынаваную кампанію ў рэгіёнах. Двух дырэктараў аграпрадпрыемстваў на Гродзеншчыне затрымалі пасля частых візітаў аднаго з іх у абменнік. У Мінскай вобласці за хабар затрымалі двух кіраўнікоў сельскагаспадарчых арганізацый. Чарговую справу аб хабарах у аграпрамысловым комплексе перадалі ў суд у Магілёўскай вобласці.

Такім чынам, напярэдадні прэзідэнцкіх выбараў Лукашэнка працягне расстаўляюць выхадцаў з сілавых органаў на кіруючыя пасады ў дзяржаўным сектары і цывільных ведамствах.

Вы паспяхова падпісаныя

Падпішыцеся на нашу рассылку

Раз на тыдзень у каардынацыі з групай вядучых беларускіх аналітыкаў мы даем аналітычныя каментары да найбольш актуальных і актуальных пытанняў, у тым ліку да закулісных працэсаў, якія адбываюцца ў Беларусі, на беларускай, рускай і англійскай мовах.
EN
BE/RU
Падпісацца

Сітуацыя ў Беларусі

Травень 13 – Травень 19
Прагледзець усе

Падпішыцеся на нас

Чытаць больш