Рэкордны краўдфандынг для палітвязняў, жорсткі сцэнар змены рэжыму ў трэндзе

Кааліцыя з дэмсіл, незалежных медыя і грамадзянскай супольнасці канцэнтруюць увагу прыхільнікаў перамен на палітычных вязнях і арганізоўваюць адну з самых паспяховых краўдфандынгавых кампаній. За першы дзень анлайн – марафону сабрана болей EUR 400 тыс. Рыторыка дэмсіл становіцца ўсё болей жорсткай у адказ на адмову Лукашэнкі ад перамоў і дыялогу, а таксама бясконцыя рэпрэсіі ў дачыненні да іншадумцаў.

Кабінет Ціханоўскай ініцыяваў маштабную кампанію па збору сродкаў для палітзняволеных у абноўленым фармаце – анлайн-марафон салідарнасці Нам не ўсё адно. У беларускім грамадстве паступова павялічваецца стомленасць ад доўгага супрацьстаяння і бясконцых рэпрэсій ахоўнікаў рэжыму, што адпаведна адбівацца на фандрайзінгу.

Аднак шырокай кааліцыі палітарганізацый, медыя і грамадзянскіх ініцыятыў атрымалася правесці адну з самых паспяховых акцый па зборы сродкаў. Ініцыятары агучвалі планы па прыцягненню ахвараванняў на суму EUR 200 тыс., а Ціханоўская матывавала прыхільнікаў перамен да большых грашовых ахвяраванняў – EUR 500 тыс. У выніку беларусы сабралі EUR 200,0 тыс. за першыя шэсць гадзін марафону.

Дзейнасць праваабронцаў, дэмсіл, незалежных медыя і грамадзянскай супольнасці прыносіць плён і прыцягвае ўвагу аўтарытэтных міжнародных арганізацый да рэпрэсій у Беларусі. Эксперты міжнароднага Цэнтру права і дэмакратыі Justice Hub падрыхтавалі першы падрабязны юрыдычны аналіз сур’ёзных парушэнняў правоў чалавека рэжымам Лукашэнкі за апошні час.

Грамадзянская супольнасць і медыя сутыкаюцца з выклікамі падчас прыцягненні міжнароднай увагі да рэпрэсій у Беларусі. Ахоўнікі рэжыму выкарысталі дакументальны фільм ”Хронікі сучаснасці”, прысвечаная пратэстам 2020 года, для ідэнтыфікацыі маніфестоўцаў і іх пераследу.

Антываенны рух працягвае дэталёвы маніторынг актыўнасці на тэрыторыі Беларусі, у тым ліку расійскіх фармаванняў “Вагнер”.

Санкцыйная рыторыка Кабінета Ціханоўскай знаходзіць падтрымку ў заходніх сталіцах. Амбасадары ЕС ухвалілі новыя санкцыі супраць рэжыму Лукашэнкі.

Намеснік кіраўніцы АПК Латушка прасоўвае тэматыку прызнання рэжыму Лукашэнкі спонсарам тэрарызму, што можа атрымліваць водгук у Польшчы і Літве на фоне апасенняў гэтых краін у сувязі з размяшчэннем фармаванняў “Вагнер” на тэрыторыі Беларусі.

Аб’яднанне сілавікоў BELPOL дэматываваць прапагандыстаў рэжыму Лукашэнкі і праводзіць расследаванні ў адносінах да найбольш адыёзных асобаў прапаганды.

Такім чынам, дэмсілы працягнуць арыентавацца на пратэсны актыў, сярод якога папулярным застаецца сілавы варыянт змены рэжыму Лукашэнкі.