Кабінет Ціханоўскай: міжнародная суб’ектнасць і ўнутраная крытыка

Дэмакратычныя сілы захоўваюць суб’ектнасць і прасоўваюць парадак дня грамадзянскай супольнасці на міжнародным узроўні. Аднак Аб’яднаны Пераходны Кабінет (АПК) Святланы Ціханоўскай сутыкаецца з узмацненнем крытыкі і павелічэннем напружанасці ў дэмакратычным руху. Напружанасць можа быць звязана з пагаршэннем зваротнай сувязі, недапрацоўкамі ў камунікацыйнай стратэгіі і павелічэннем закрытасці структуры.

Суб’ектнасць дазваляе дэмакратычным сілам прасоўваць на міжнародным узроўні свой парадак дня – вызваленне палітзняволеных, ізаляцыю рэжыму Лукашэнкі, легалізацыю беларусаў-эмігрантаў і падтрымку грамадзянскай супольнасці. У выніку кіруючы класу не можа аднавіць манаполію на камунікацыю з Захадам і пашырыць прапагандысцкія наратывы. На міжнародным узроўні па-ранейшаму абмяркоўваюць пытанні легітымнасці рэжыму Лукашэнкі, сістэматычных парушэнняў правоў чалавека і адказнасці за саўдзел Мінска ў крамлеўскай агрэсіі.

Цягам тыдня на Генеральнай Асамблеі ААН лідарка дэмакратычнай Беларусі Ціханоўская правяла шэраг сустрэч высокага ўзроўню. Яна сустрэлася з дзяржсакратаром ЗША Куртам Кэмпбэлам, лідарамі і кіраўнікамі МЗС болей за 40 краін. Гэта дазволіла дэмсілам выкарыстаць дадатковыя каналы камунікацыі і ціску на рэжым.

Ціханоўская паразмаўляла наконт пасрэдніцтва ў справе вызвалення палітзняволеных з патэнцыйнымі мадэратарамі, якія маюць кантакты з рэжымам — кіруючы клас адмаўляецца ад перамоў з дэмсіламі. Адначасова афіцыйны Мінск імкнецца пазбавіць Кабінет Ціханоўскай суб’ектнасці на міжнародным узроўні, а ахоўнікі рэжыму працягваюць татальную зачыстку грамадзянскай супольнасці ўнутры краіны.

Дзякуючы дыпламатычным поспехам, дэмсілы развіваюць з афіцыйным Вашынгтонам стратэгічны дыялог. Палітарганізацыі істотна ўплываюць на выпрацоўку амерыканскай палітыкі па беларускаму пытанні.

Рада Еўропы апублікавала дапаможнік еўрапарламентарам і палітыкам аб падтрымцы беларусаў у выгнанні.

Афіцыйная Вільня пацвердзіла падтрымку дэмакратычнага руху Беларусі на чале з Ціханоўскай. Хаця рэжым спрабуе паўплываць на грамадскае меркаванне ў Літве напярэдадні выбараў у сейм. Напрыклад, праз беларускія дзяржмедыі, інфармацыю якіх спажываюць жыхары прымежных з Беларуссю рэгіенаў.

АПК камунікуе з афіцыйнай Варшавай наконт праблем беларускіх абітурыентаў пры паступленні ў польскія ВНУ. Аднак пакуль праблему атрымалася вырашыць толькі часткова.

Дэмсілы захоўваюць развітую інфраструктуру і сетку падтрымкі рэпрэсаваных унутры краіны. Праваабаронцы і экс-сілавікі з BYPOL супрацьдзейнічаюць спробам ахоўнікаў рэжыму разбурыць структуры грамадзянскай супольнасці.

Такім чынам, напружанасць у асяроддзі дэмруху працягвае павялічвацца з магчымым аслабленнем пазіцый Кабінету Ціханоўскай.