en
Красавік 15 – Красавік 21, 2024
Грамадства і партыі

Дыпламатычныя поспехі Ціханоўскай: актыў дэмсіл і інвестыцыі ў будучыню?

Сітуацыя палепшылася
Дыпламатычныя поспехі Ціханоўскай: актыў дэмсіл і інвестыцыі ў будучыню?
Фота: Офіс Святланы Ціханоўскай

Дыпламатычныя поспехі Святланы Ціханоўскай фарміруюць уражанне руціннасці, пры гэтым істотна кантрастуюць з міжнароднай ізаляцыяй Лукашэнкі. Аднак насуперак аўтарытарнай рэакцыі і стомленасці грамадства дэмсілы ладзяць эфектыўную камунікацыю з Захадам і падтрымкі. Статусная і прызнаная міжнароднымі партнёрамі дэмакратычная лідарка ўзмацняе агульныя пазіцыі дэмсіл у вачах наменклатуры у выпадку магчымага транзіту ўлады.

Лідарка дэмакратычнай Беларусі Святлана Ціханоўская сустрэлася з вядучымі сусветнымі палітыкамі на міністэрскім саміце “Вялікай васьмёркі” ў Італіі. Гэта важная падзея ў камунікацыі і прасоўванні інтарэсаў беларускай грамадзянскай супольнасці на міжнародным узроўні.

Удзел у міністэрскім саміце G7, як і запрашэнне на саміт спікераў парламентаў Еўрасаюза, замацоўвае дыпламатычныя поспехі Ціханоўскай. Міжнародныя кантакты і сустрэчы дэмакратычнай лідаркі кантрастуюць з рэдкімі замежнымі візітамі Лукашэнкі. Пераважная большасць ваяжаў дыктатара прыходзіцца на Расію і сустрэчы з Пуціным.

Дэмсілы прыцягваюць увагу міжнароднай супольнасці да сітуацыі ў Беларусі. Камунікацыя на высокім палітычным узроўні спрыяе змякчэнню абмежаванняў у адносінах да беларускіх палітэмігрантаў.

Дэмсілы прасоўваюць тэзісы наконт прыцягнення рэжыму Лукашэнкі за саўдзел у крамлёўскай агрэсіі ў супрацьвагу антываеннаму кансэнсусу ў беларускім грамадстве.

Разам з тым крытыка ў бок каманды Ціханоўскай узмацняецца з набліжэннем выбараў у Каардынацыйную раду (КР). Хутчэй за ўсё, асобныя палітарганізацыі імкнуцца пратэставаць свой патэнцыял па кансалідацыі апанентаў Ціханоўскай напярэдадні абнаўлення складу КР. Так, адзін з заснавальнікаў ініцыятывы “Вольная Беларусь” Павел Усаў выстаўляе чарговыя прэтэнзіі Ціханоўскай і яе камандзе.

Аднак разбурэнне прадстаўнічай легітымнасці Ціханоўскай як лідаркі дэмакратычнага руху значна аслабіць пазіцыі грамадзянскай супольнасці на міжнародным узроўні. Адпаведна зменшыцца ўвага дэмакратычных сталіц да сітуацыі ў Беларусі. Гэта сярод іншага можа паўплываць на істотнае скарачэнне міжнароднай падтрымкі. У выніку звузяцца магчымасці для дзейнасці арганізацый грамадзянскай супольнасці і незалежных медыя.

Варта зазначыць: падчас будучага ўладнага транзіту істотна павялічваецца роля агульнапрызнанага дэмакратычнага лідара ў перамоўных працэсах і прыцягненні на бок дэмсіл прадстаўнікоў наменклатуры, што стварае дадатковыя спрыяльныя ўмовы для дэмакратычнай трансфармацыі.

Вы паспяхова падпісаныя

Падпішыцеся на нашу рассылку

Раз на тыдзень у каардынацыі з групай вядучых беларускіх аналітыкаў мы даем аналітычныя каментары да найбольш актуальных і актуальных пытанняў, у тым ліку да закулісных працэсаў, якія адбываюцца ў Беларусі, на беларускай, рускай і англійскай мовах.
EN
BE/RU
Падпісацца

Сітуацыя ў Беларусі

Травень 13 – Травень 19
Прагледзець усе

Падпішыцеся на нас

Чытаць больш