Анлайн сервісы для ўразлівых груп і палітзняволеных, звужэнне павесткі дэмсіл

Дэмакратычныя сілы канцэнтруюцца на кансалідацыі рэпрэсаваных і прыхільнікаў еўраінтэграцыі, захаванні камунікацый з заходнімі партнёрамі, аднак з ігнараваннем унутрыпалітычнай павесткі. АПК запускае анлайн сервіс для падтрымкі рэпрэсаваных і ўразлівых груп грамадства, які часткова кампенсуе знішчаныя рэжымам Лукашэнкі грамадскія арганізацыі ўнутры краіны.

АПК прадпрымае захады да кансалідацыі апанентаў рэжыма Лукашэнкі і падтрымку рэпрэсаваных. Кабінет запускае анлайн-сервіс “Адно акно” для людзей, якія пацярпелі ад палітычных рэпрэсій у Беларусі, а ў перспектыве для розных сацыяльна неабароненых груп грамадства. У базе службы “Адно акно” знаходзяцца кантакты 231 грамадскай арганізацыі.

Кабінет Ціханоўскай працягвае захады па кансалідацыі праеўрапейскай аўдыторыі. Пры гэтым, прадстаўнікі дэмсіл на розных узроўнях прасоўваюць ідэю еўраінтэграцыі Беларусі. Па выніках палітычнага форуму ў Германіі кіраўніца Еўракамісіі Урсула фон дэр Ляен выказала салідарнасць з беларускімі дэмакратычнымі сіламі і Ціханоўскай.

Дэмсілы занепакоены спробай рэжыма Лукашэнкі ўзнавіць кантакты з заходнімі сталіцамі з паступовым выцісканнем з беларуска-еўрапейскага парадку дня патрабаванняў грамадзянскай супольнасці. Лідар дэмакратычнай Беларусі Ціханоўская заклікала Еўропу не ісці ні на якія дамовы з Лукашэнка.

Дэмсілам атрымліваецца адстаяць інтарэсы беларусаў у камунікацыі з афіцыйнай Рыгай. Пасля сустрэчы з прадстаўнікамі Кабінета Ціханоўскай Сейм Латвіі прыняў рашэнне выключыць з “чорнага спісу” аўтамабілі з беларускімі нумарамі.

Нягледзячы на пагаршэнне грамадскага меркавання ў адносінах да беларусаў у Літве, дэмсілы захоўваюць эфектыўныя кантакты з літоўскім кіраўніцтвам. Ціханоўская сустрэлася з прэм’ер-міністрам Літвы Інгрыдай Шыманітэ і абмеркавала пытанне спрашчэння легалізацыі для беларусаў. Дзякуючы камунікацыі дэмсіл з літоўскімі ўладамі атрымалася захаваць розныя абмежавальныя падыходы ў адносінах да беларусаў і расіян, павялічыць тэрміны віда на жыхарства для беларусаў з аднаго да трох год, пашырыць выдачу пашпартоў замежніка, захаваць пасажырскі рух.

Актывісты ліквідаваных палітычных партый і грамадскіх арганізацый спрабуюць сфармаваць новую арганізацыю ў эміграцыі для кансалідацыі нацыянал-дэмакратаў. На эміграцыі з’явілася беларуская “Нацыянальна-дэмакратычная платформа“.

Такім чынам, дэмсілы сканцэнтруюцца на ўзмацненнні кантактаў з еўрапейскімі сталіцамі і прасоўванні ідэі еўраінтэграцыі новай Беларусі.