en
Верасень 18 – Верасень 24, 2023
Кіруючы клас

Лукашэнка скарачае сацыяльныя гарантыі ў адукацыі, улада рэпрэсуе работнікаў аграсектара

Сітуацыя не змянілася
Лукашэнка скарачае сацыяльныя гарантыі ў адукацыі, улада рэпрэсуе работнікаў аграсектара
Фото: klennik.smoledu.by

Кіраўніцтва дзяржавы разлічвае вырашыць кадравы дэфіцыт у бюджэтных арганізацыях прымусовым размеркаваннем выпускнікоў. Пры гэтым сілавікі праводзяць канвеерныя зачысткі дзяржкампаній ад палітычна нелаяльных супрацоўнікаў. Ахоўнікі рэжыму ўсё больш уплываюць на пераразмеркаванне бюджэтных плыняў праз антыкарупцыйную кампанію ў аграсектары.

Лукашэнка ўмацоўвае трэнд на скарачэнне сацгарантый у адукацыі і павелічэнне абавязкаў грамадзян перад дзяржавай. Хутчэй за ўсё, урад саб’е рост кадравага дэфіцыту дзякуючы прымусоваму замацаванню маладых спецыялістаў праз абавязковае размеркаванне. Аднак дзеі ўлады выклікаюць незадаволенасць бацькоў. Гэта можа справакаваць новую хвалю эміграцыі моладзі ў болей спрыяльныя адукацыйныя юрысдыкцыі, напрыклад, ЕС або Расію.

Беларускае кіраўніцтва плануе ўзмацніць пераразмеркаванне людскіх рэсурсаў праз далучэнне да абавязковай адпрацоўкі платнікаў і павелічэнне тэрмінаў прымусовай адпрацоўкі для бюджэтнікаў з мэтавікамі. Пры гэтым улады караюць вялікімі сумамі штрафаў і кампенсацый за адмову ад працы па абавязковаму размеркаванню.

Ахоўнікі рэжыму працягваюць чысткі дзяржсектара ад нелаяльных супрацоўнікаў, што павялічвае кадравы дэфіцыт. У Гомелі прайшлі затрыманні банкаўскіх работнікаў пасля дагляду смартфонаў на працоўных месцах. У «Гроднаэнерга» працягваецца зачыстка супрацоўнікаў, нават рэдкіх спецыялістаў.

Кіруючы клас абмяжоўвае ўплыў грамадства на сферу адукацыі з паступовай саветызацыяй і ідэалагізацыяй выхавання пад патрэбы рэжыму. Генпракурор Швед заклікае абмежаваць колькасць гадзін навучання англійскай мове і ўнесці ідэалагічныя карэктывы ў шэраг падручнікаў.

Лукашэнка не бачыць праблем у грашовых паборах з бацькоў на патрэбы школы. Ручное кіраванне і ўмяшанне палітыка ў розныя сферы, у тым ліку адукацыйную, часта прыводзяць да разбалансавання сістэмы з-за супярэчлівых рашэнняў. Так, у 2021 годзе тагачасны кіраўнік Міністэрства адукацыі Карпенка выказаўся супраць збору грошай праз бацькоўскія камітэты. Сёння ж заявы вышэйшага кіраўніцтва штурхаюць адукацыйную вертыкаль вярнуцца да практык пабораў. Гэта, у сваю чаргу, можа выклікаць дадатковую напружанасць сярод насельніцтва. У выпадку празмернага рэзанансу Лукашэнка будзе змушаны публічна заспакоіць бацькоў і перакласці адказнасць за перагібы на чыноўнікаў і мясцовых выканаўцаў.

Лукашэнкаў пагражае ўраду і агравертыкалі за дрэнныя паказнікі ў сельскай гаспадарцы. Сілавікі пачалі пераслед аграчыноўнікаў для дысцыплінавання і мабілізацыі сельскагаспадарчага сектара пасля няўдалага сезона 2023 г.

Такім чынам, кіруючы клас скарачае абавязкі дзяржавы перад грамадзянамі з узмацненнем ролі сілавікоў у рэгуляванні пратэсных настрояў.

Вы паспяхова падпісаныя

Падпішыцеся на нашу рассылку

Раз на тыдзень у каардынацыі з групай вядучых беларускіх аналітыкаў мы даем аналітычныя каментары да найбольш актуальных і актуальных пытанняў, у тым ліку да закулісных працэсаў, якія адбываюцца ў Беларусі, на беларускай, рускай і англійскай мовах.
EN
BE/RU
Падпісацца

Сітуацыя ў Беларусі

Травень 13 – Травень 19
Прагледзець усе

Падпішыцеся на нас

Чытаць больш