en
Чэрвень 12 – Чэрвень 18, 2023
Кіруючы клас

Лукашэнка дысцыплінуе вертыкаль, а ўрад інвестуе ў дзяржсектар, ВПК і сілавікоў

Сітуацыя не змянілася
Лукашэнка дысцыплінуе вертыкаль, а ўрад інвестуе ў дзяржсектар, ВПК і сілавікоў
Аляксандр Лукашэнка на святкаванні Дня Перамогі ў Мінску 9 траўня 2023 года. Фота: president.gov.by

Лукашэнка дэманструе наменклатуры намеры захаваць персаналісцкі рэжым кіравання і кансалідаваць вертыкаль вакол сваёй асобы. Кіруючы клас працягвае зачыстку дзяржсектару ад іншадумства з рэсаветызацыяй і русіфікацыяй адукацыі, а таксама гістарычнай памяці.

Кіраўнік дзяржавы імкнецца перадухіліць дыскусіі пра транзіт улады, якія распачыналіся ў асяроддзі лаялістаў падчас яго адсутнасці з-за хваробы. Лукашэнка крытыкуе сваю адміністрацыю, а таксама падкрэслівае сваё выключнае права на кадравую палітыку і прызначэнне кіраўніцтва вертыкалі.

У рэгіянальных чыноўнікаў назапашваецца незадаволенасць крытыкай адыёзных прапагандыстаў “рускага міру”. Аднак рэгіянальныя сілавікі не маюць відавочных рычагоў уплыву на прарасійскіх актывістаў, якія іх нервуюць. Прапагандыстка Вольга Бондарава пайшла ў атаку на начальніка абласной міліцыі.

Прапагандысты падштурхоўваюць сілавікоў да пашырэння зачысткі сферы адукацыі ад іншадумцаў, асабліва ў сферы гістарычнай памяці. У Полацкім дзяржаўным універсітэце звольнілі траіх выкладчыкаў па палітычных матывах.

Ахоўнікі рэжыму пашыраюць практыку выязных судоў і публічных пакаранняў студэнтаў для дэматывацыі моладзевых актывістаў.

Дзяржаўныя медыя ўзмацняюць свае пазіцыі сярод анлайн-аўдыторыі. Аднак ідэолагам пакуль не атрымліваецца перахапіць лідарства ў незалежных СМІ ў Інтэрнэце.

Кіруючы клас звяртаецца да прапаганды ў вырашэнні кадравага дэфіцыту ў медыцынскай сферы, а таксама спрабуе перанакіраваць народную незадаволенасць пагаршэннем паслуг на медыкаў.

Урад стымулюе эканоміку інвестыцыямі ў дзяржсектар, ВПК і сілавікоў, што дазваляе кіруючаму класу аднавіць эканамічны рост. У выніку разагравання эканомікі рэальныя даходы насельніцтва павялічваюцца другі месяц запар.

Мінскі спецназ атрымае з бюджэту больш за USD 3 млн на свае патрэбы.

У Мінскай вобласці створана вытворчасць па выпуску боепрыпасаў.

Чыноўнікі закрываюць доступ да інфармацыі аб абмежаваннях для прадпрымальнікаў і самазанятых з-за перасцярогі павялічыць напружанасць сярод дробнага бізнесу. У дадатак урад плануе павялічыць кошт адміністрацыйных працэдур для юрыдычных асобаў і прадпрымальнікаў. Кіруючаму класу атрымліваецца паступова скарачаць колькасць прадпрымальнікаў, якіх Лукашэнка разглядае як пагрозу асабістаму кіраванню і аднаго з найбольш нелаяльных пластоў насельніцтва.

Такім чынам, кіруючы клас захавае бюджэтныя ўліванні ў сілавікоў і дзяржсектар разам са скарачэннем сацыяльных абавязкаў дзяржавы.

Вы паспяхова падпісаныя

Падпішыцеся на нашу рассылку

Раз на тыдзень у каардынацыі з групай вядучых беларускіх аналітыкаў мы даем аналітычныя каментары да найбольш актуальных і актуальных пытанняў, у тым ліку да закулісных працэсаў, якія адбываюцца ў Беларусі, на беларускай, рускай і англійскай мовах.
EN
BE/RU
Падпісацца

Сітуацыя ў Беларусі

Чэрвень 3 – Чэрвень 9
Прагледзець усе

Падпішыцеся на нас

Чытаць больш