Кіруючы клас узмацняе ўплыў у медыяпавестцы, дзяржсектар аднаўляецца ад санкцыйнага ціску

Кіруючы клас у значнай ступені аднаўляе ўплыў на інфармацыйны парадак дня, аднак медыйная вертыкаль стварае мыльную бурбалку з маштабу аўдыторыі сваіх анлайн – каналаў камунікацыі. Кіруючы клас імкнецца захаваць долю дзяржсектара ў эканоміцы за кошт бюджэтных уліванняў у дзяржкампаніі на фоне аднаўлення экспарту асобнымі галінамі.

Заклапочанасць у грамадстве сур’ёзнымі праблемамі з самаадчуваннем у Лукашэнкі павялічваецца. Дзяржпрапаганда спрабуе заспакоіць лаялістаў, змясціць акцэнты і зарэтушаваць праблемы са здароўем кіраўніка дзяржавы.

Кіруючаму класу атрымліваецца часткова аднавіць уплыў на інфармацыйны парадак дзякуючы знішчэнню незалежных медыя ўнутры краіны і паказальнаму пераследу іх спажыўцоў, а таксама сістэмных захадаў па павелічэнню прысутнасці ў сацыяльных сетках і развіццю каналаў у Telegram. Аднак паводле даследавання незалежных журналістаў аўдыторыя дзяржаўных медыя ў сацыяльных сетках і Telegram значна перабольшана, як і ўплыў на інтэрнэт-аўдыторыю ўнутры краіны.

Дзяржкампаніям атрымліваецца кампенсаваць страты ад уведзеных санкцый з дапамогай пераарыентацыі экспарту на рынак Расіі, азіяцкіх і лацінаамерыканскіх краін. Беларуская цэментная кампанія нарасціла адгрузку прадукцыі ў Расію амаль у 4 разы. Экспарт калійных угнаенняў з Беларусі расце.

Нацбанк падтрымлівае стабільнасць на валютна-фінансавым рынку, а інфляцыя змяншаецца да ўзроўню 4,7% у гадавым вымярэнні.

Напружанасць сярод рознымі ведамстваў павялічваецца, што з’яўляецца вынікам сутыкнення інтарэсаў дзяржсетак і прыватных аптэк. МАРГ папярэдзіў Мінздароўя аб недапушчальнасці парушэння антыманапольнага заканадаўства ў адносінах да невялікіх аптэк.

Кіруючаму класу не атрымліваецца спыніць заняпад ІТ-сферы, які выкліканы рэлакацыяй кампаній і спецыялістаў з-за рэпрэсій і санкцый.

Урад разлічвае адміністрацыйным чынам спыніць адток кадраў з медыцыны і плануе зменіць правілы ардынатуры – з адпрацоўкай на пяць гадоў і гіганцкімі штрафамі.

Ахоўнікі рэжыму працягваюць пераслед іншадумцаў для дэпалітызацыі грамадства, асабліва напярэдадні электаральнай кампаніі 2024.

Затрыманні, арышты і буйныя штрафы для актывістаў пратэснага руху і маніфестантаў 2020 у рэгіёнах не спыняюцца.

Суды выносяць паказальна вялікія тэрміны, як напрыклад, 13 год заснавальніку Symbal.by Паўлу Белавусу. “Экстрэмісцкія” спісы пашыраюцца на новыя Telegram-каналы, чаты і старонкі ў сацыяльных сетках.

Такім чынам, кіруючы клас працягне падтрымліваць дзяржкампаніі за кошт бюджэтных уліванняў для захавання занятасці.