Кіруючы клас павялічвае ўліванні ў дзяржкампаніі, Лукашэнка перанакіроўвае незадаволенасць пралетарыята на бізнэсоўцаў

«Мотавелазавод» атрымаў ад інавацыйнага фонду BYN 6,5 млн на імпартазамяшчэнне.

Чыноўнікі вырашылі кампенсаваць з бюджэту працэнты па крэдытах асобных дзяржпрадпрыемстваў лёгкай прамысловасці.

Улады Мінска адабралі ў інвестара будынак Дома друку і плануюць бюджэтныя ўліванні ў яго аднаўленне.

Кіроўны клас працягвае ўмешвацца ў эканоміку, у ручным рэжыме карэктаваць цэнаўтварэнне і напаўненне ўнутранага рынку прадуктамі з-за магчымага дэфіцыту. Аляксандр Лукашэнка намераны адрэгуляваць імпарт тавараў і ў чарговы раз удасканаліць дзяржрэгуляванне цэн. Хутчэй за ўсё, вышэйшае кіраўніцтва разлічвае на палітычныя эфекты асабістага ўмяшальніцтва ў цэнаўтварэнне, што ўспрымаецца насельніцтвам станоўча.

Кіраўнік рэжыму вяртаецца да папулісцкай рыторыкі і спрабуе падняць рэйтынгі сярод пластоў насельніцтва з нізкімі даходамі за кошт крытыкі прадпрымальнікаў і груп работнікаў з больш высокімі прыбыткамі з прыватнай сферы. Акрамя таго, пасля захадаў Лукашэнкі і ахоўнікаў рэжыму па пераследзе з-за падвышэння цэнаў незадаволенасць бізнэсу палітыкай дзеючага кіраўніцтва Беларусі толькі павялічылася.

Урад аптымістычна бачыць сітуацыю ў эканоміцы і ІТ сектары, у тым ліку на працоўным рынку, нягледзячы на павелічэнне кадравага дэфіцыту, напрыклад, у ахове здароўя і адтоку ІТ спецыялістаў.

Ахоўнікі рэжыму не спыняюць пераслед актывістаў пратэснага і антываеннага руху з вялікімі тэрмінамі пакарання, маніфестантаў-2020, крытыкаў і іншадумцаў. Пералік экстрэмістаў стала пашыраецца і дасягае амаль 2,5 тыс. чалавек. Лукашэнкі спрабуе дэматываваць апанентаў і прымусіць грамадства да палітычнай індэферэнтнасці. Апублікаваны склад Камісіi па разглядзе зваротаў грамадзян Беларусі, што знаходзяцца за мяжой, па пытаннях здзяйснення імі правапарушэнняў.

Такім чынам, кіроўны клас працягне павялічваць уліванні ў дзяржсектар, адміністрацыйна-сілавое рэгуляванне цэнаў і чысткі кадраў ад нелаяльных работнікаў.