Завочныя дэбаты па выбарах прэзідэнта: Латушка vs Лукашэнка

Дэмакратычныя арганізацыі прымушаюць Лукашэнку адрэагаваць на запуск актыўнага абмеркавання прэзідэнцкай кампаніі 2025. Кіруючы клас разлічваў на дэпалітызацыю насельніцтва і ігнараванне палітарганізацыямі выбараў 2025. Аднак у грамадзянскай супольнасці распачалася дыскусія наконт стратэгіі паводзін падчас прэзідэнцкай кампаніі 2025. Гэтаму спрыяла дзейнасць экс-сілавікоў з BELPOL і іх кантакты з калегамі ў Беларусі.

АПК і Офіс Ціханоўскай стварылі працоўную групу дзеля грамадскага абмеркавання і выпрацоўкі агульнай пазіцыі па выбарах 2025 г. У адрозненне ад ігнаравання плебісцыта ў 2022 годзе і выбараў у парламент і мясцовыя саветы ў 2024 годзе палітарганізацыі разглядаюць магчымасць мабілізацыі сваіх прыхільнікаў. Палітызацыя грамадства падчас прэзідэнцкай кампаніі непакоіць кіруючы клас. Лукашэнка на нарадзе з чыноўнікамі асабіста атакаваў аднаго з папулярных лідараў дэмсіл Паўла Латушку. У сваю чаргу лідар НАУ кінуў публічны выклік дыктатару.

У дадатак дэмсілам атрымалася апярэдзіць намаганні дыпламатаў Лукашэнкі па пераглядзе заходнімі сталіцамі адносінаў з афіцыйным Мінскам.

Кіруючы клас распачаў працэс вызвалення палітзняволеных, што ўзмацніла ў дэмакратычным руху галасы прыхільнікаў дээскалацыі адносін. Аднак мэйнстрымавым падыходам дэмсіл застаецца працяг ціску на Лукашэнку, міжнародная ізаляцыя рэжыму і непрызнанне выбараў 2025, што нервуе Лукашэнку.

Адначасова Ціханоўская захоўвае лідарскія пазіцыі ў дэмакратычным руху, што дазваляе дэмсілам працягваць камунікацыю з высокімі чыноўнікамі заходніх краін. У выніку палітарганізацыі і праваабаронцы дэманструюць посьпехі ў камунікацыі з Захадам па пытаннях адвакатавання інтарэсаў грамадзянскай супольнасці.

Стыпендыі пад патранажам Ціханоўскай у Аўстрыі атрымалі пяць беларусаў. Апеляцыйны суд Сербіі адмяніў экстрадыцыю палітэмігранта Гнёта ў Беларусь. Напярэдадні грамадзянская супольнасць і дэмсілы ініцыявалі маштабную кампанію ў падтрымку сузаснавальнік Свабоднага аб’яднання спартоўцаў.

Ціханоўская сустрэлася з намеснікам дзяржсакратара ЗША Куртам Кэмпбелам у Вільні. Дэмсілы працягваюць весці з Вашынгтонам “стратэгічны дыялог”.

Офіс Ціханоўскай з пераменным посьпехам камунікуе з краінамі ЕС наконт змякчэння абмежаванняў на пропуск праз мяжу аўтамабіляў з беларускімі нумарамі. 

Такім чынам, дэмсілы і незалежныя медыя захоўваюць патэнцыял па мабілізацыі прыхільнікаў перамен у перыяд палітызацыі грамадства.