en
Снежань 4 – Снежань 10, 2023
Грамадства і партыі

Вашынгтонскі прарыў Ціханоўскай vs азіяцка-афрыканскае турнэ Лукашэнкі

Сітуацыя палепшылася
Вашынгтонскі прарыў Ціханоўскай vs азіяцка-афрыканскае турнэ Лукашэнкі
Фота: t.me/tsikhanouskaya

Кааліцыя Ціханоўскай умацоўвае пазіцыі ў дэмакратычным руху і атрымлівае падтрымку грамадства праз развіццё пляцоўкі па стратэгічнаму дыялогу з афіцыйным Вашынгтонам. Дэмсілы анансуюць кампанію па выбарах новага складу Каардынацыйнай рады, аднак не разлічваюць на масавую актыўнасць беларусаў. Гэта абумоўлена эскалацыяй рэпрэсій у дачыненні да сябраў КР і абмежаваннямі для ўдзельнікаў альтэрнатыўнага галасавання.

Дэмсілы дамагліся істотнага прагрэсу ў адносінах з афіцыйным Вашынгтонам, што павысіла давер і рэйтынгі палітыкаў у беларускім грамадстве. Кааліцыя Ціханоўскай кансалідуе прыхільнікаў еўра-атлантычнай інтэграцыі — у першую чаргу палітэмігрантаў і дыяспары.

Ціханоўская выступіла з прамовай і шэрагам ініцыятыў у Кангрэсе ЗША, што павысіла да яе персоны медыйны інтарэс і грамадскую ўвагу. У адказ Лукашэнка вымушана здзейсніў шэраг міжнародных паездак (ОАЭ, Кітай, Афрыка) для ўтрымання пазіцый у парадку дня, а таксама ў спробе маргіналізаваць эфект ад афіцыйнага візіту Ціханоўскай у Амерыку.

Лідарка дэмакратычнай Беларусі сустрэлася ў Вашынгтоне з міністрам замежных спраў і экс-прэм’ерам Вялікабрытаніі Дэвідам Кэмеранам. Дэмсілы сінхранізавалі з афіцыйным Лонданам санкцыйны парадак дня ў дачыненні да рэжыму Лукашэнкі. Напярэдадні Вялікабрытанія ўвяла санкцыі супраць беларускага прадпрыемства, якое падтрымлівае крамлёўскую агрэсію ва Украіне.

Каардынацыйная Рада вырашыла фармаваць свой трэці склад праз выбары. У іх патэнцыйна могуць удзельнічаць усе грамадзяне Беларусі  — на дапамогу прыйдзе электроннае галасаванне. Аднак асобныя папулярныя дэмакратычныя палітыкі (як, напрыклад, намеснік кіраўніцы АПК і лідар НАУ Латушка) раскрытыкавалі выбарчую сістэму. Выступы знайшлі водгук сярод часткі актывістаў дэмакратычнага руху.

Пры гэтым дэмсілам бракуе магчымасцей, каб прыцягнуць да выбараў шырокую аўдыторыю. Абмежаванні тлумачацца пытаннямі бяспекі выбарцаў і кандыдатаў, рэпрэсіямі і экспрапрыяцыямі маёмасці ў апанентаў Лукашэнкі, а таксама скарачэннем аўдыторыі незалежных медыя. Ахоўнікі рэжыму выпісалі ўжо 145 ордэраў на арышт маёмасці тых, хто праходзіць па “справе Каардынацыйнай рады” і вымушана з’ехаў з краіны.

Такім чынам, наўрад ці дэмакратычным сілам атрымаецца ўцягнуць у электроннае галасаванне па выбарах новага складу КР болей за 100 тысяч беларусаў у сітуацыі жорсткай рэакцыі рэжыму Лукашэнкі.

Вы паспяхова падпісаныя

Падпішыцеся на нашу рассылку

Раз на тыдзень у каардынацыі з групай вядучых беларускіх аналітыкаў мы даем аналітычныя каментары да найбольш актуальных і актуальных пытанняў, у тым ліку да закулісных працэсаў, якія адбываюцца ў Беларусі, на беларускай, рускай і англійскай мовах.
EN
BE/RU
Падпісацца

Сітуацыя ў Беларусі

Люты 19 – Люты 25
Прагледзець усе

Падпішыцеся на нас

Чытаць больш