en
Сакавік 25 – Сакавік 31, 2024
Грамадства і партыі

“Каршакі” дэмсіл: бліцкрыг-наратывы для палітэмігрантаў

Сітуацыя не змянілася
“Каршакі” дэмсіл: бліцкрыг-наратывы для палітэмігрантаў
Карыкатура: Deutsche Welle

Сярод дэмсіл захоўваецца папулярнасць жорсткіх захадаў і сілавой змены рэжыму Лукашэнкі. Рыторыка палітыкаў-“каршакоў” адпавядае настроям актыву дэмакратычнага руху, які ў значнай колькасці знаходзіцца ў эміграцыі у Літве і Польшчы. Гэты бліцкрыг-наратыў дазваляе мабілізаваць і рэкрутаваць прыхільнікаў.

Прадстаўнік Аб’яднанага пераходнага кабінета па абароне і нацбяспецы Валеры Сахашчык заявіў: Расія і Беларусь рыхтуюць планы па выкарыстанні тактычнай ядзернай зброі і “бліцкрыг на Вільню”. Заявы Сахашчыка і яго паплечніка Паўла Латушкі наконт агрэсіўных планаў Лукашэнкі і Пуціна ў адносінах да Літвы і Польшчы арыентаваны на беларускія дыяспары — і гэта падвышае ўвагу да палітыкаў жорсткага крыла дэмсіл. Нагнятанне пагроз “каршакамі” спрыяе кансалідацыі іх прыхільнікаў. Адначасова беларускі “трэнд” адпавядае агульнай тэндэнцыі па росту напружанасці ў рэгіёне. Такім чынам стымулюецца матывацыя актывістаў і рэкрутацыя ў парамілітарныя і добраахвотніцкія фармаванні.

Аўдыторыя дэмсіл звужаецца да найбольш заўзятых апанентаў рэжыму — большасць з іх знаходзіцца ў эміграцыі. Самыя вялікія дыяспары апошняй хвалі эміграцыі (пасля 2020 года) утварыліся ў Польшчы і Літве.

У сваю чаргу, незалежная медыяпрастора падзелена на рэсурсы, якія аддаюць перавагу тым ці іншым палітыкам і палітарганізацыям. Частка незалежных СМІ дыстанцуецца ад “канспіралагічных” заяў — і крытыкуе “каршакоў” дэмсіл. Напрыклад, “Наша ніва” правяла расследаванні ў спробах развянчаць міфы і заявы палітыкаў жорсткага крыла.

У той жа час інстытуцыянальныя праекты дэмсіл не з’яўляюцца папулярнымі. Гэта тлумачыцца высокай палярызацыяй у грамадстве, перавагай радыкальнай рыторыкі і папулярнасцю палітыкаў-“каршакоў”.

Каардынацыйная рада распачынае падрыхтоўку да абрання чальцоў новага складу. Аднак гэты праект дэмсіл знаходзіцца на перыферыі ўвагі незалежных медыя і грамадства.

Такім чынам, у выпадку вылучэння палітыкі-“каршакі” маюць большыя шанцы атрымання месцаў у новым складзе КР у сувязі з перавагай ультыматыўнай рыторыкі ў дыяспарах.

Вы паспяхова падпісаныя

Падпішыцеся на нашу рассылку

Раз на тыдзень у каардынацыі з групай вядучых беларускіх аналітыкаў мы даем аналітычныя каментары да найбольш актуальных і актуальных пытанняў, у тым ліку да закулісных працэсаў, якія адбываюцца ў Беларусі, на беларускай, рускай і англійскай мовах.
EN
BE/RU
Падпісацца

Сітуацыя ў Беларусі

Красавік 8 – Красавік 14
Прагледзець усе

Падпішыцеся на нас

Чытаць больш