en
Красавік 8 – Красавік 14, 2024
Грамадства і партыі

Каардынацыйная Рада вяртаецца на парадак дня дэмакратычнага руху

Сітуацыя не змянілася
Каардынацыйная Рада вяртаецца на парадак дня дэмакратычнага руху

Дэмакратычныя сілы актуалізуюць дыскусію вакол Каардынацыйнай Рады (КР) і зноў прыцягваюць увагу сваіх аўдыторый да гэтага палітычнага інстытуту. Дыскусія ў медыя спрыяе матывацыі прыхільнікаў перамен да ўдзелу ў выбарах КР. Дэмакратычныя сілы прымаюць захады, каб змякчыць напружанасць у літоўскім грамадстве ў дачыненні да беларускіх эмігрантаў і перадухіліць разнастайныя абмежаванні.

Частка літоўскага істэблішмэнта інтэрпрэтуе рост беларускай дыяспары як пагрозу нацыянальнай бяспецы. У выніку яны спрабуюць аб’яднаць усе праблемныя пытанні ў адзін пул пагроз з боку рэжымаў Лукашэнкі і Пуціна, каб абгрунтаваць надзвычайныя захады па сек’юрытызацыі. За апошнія некалькі год колькасць беларусаў у Літве павялічылася да 63 тыс. і складае толькі крыху болей за 2,2% насельніцтва (2,86 млн). У імкненні зняць напружанне Офіс Святланы Ціханоўскай камунікуе з літоўскімі палітыкамі, а беларускі бізнес развівае гарызантальныя сувязі. Так, у Вільні прайшоў ІІІ Беларускі бізнес-форум з удзелам беларускага бізнесу, літоўскіх парламентароў і прадстаўнікоў міністэрстваў, юрыстаў і экспертаў.

Лідарка дэмакратычнай Беларусі акцэнтуе ўвагу заходніх сталіц на выпрацоўцы адмысловай стратэгіі ў дачыненні да Беларусі. Святлана Ціханоўская выступіла на Дэльфійскім эканамічным форуме ў Грэцыі, сустрэлася з прэзідэнткай Грэцыі, міністрам замежных спраў Польшчы Сікорскім. Дэмакратычная лідарка прапанавала двухбаковы падыход у дачыненні да Беларусі: ізаляцыя рэжыму Лукашэнкі і падтрымка грамадзянскай супольнасці — у тым ліку свабоды перамяшчэння для беларусаў.

Дэмакратычныя сілы выціснулі прадстаўнікоў рэжыму Лукашэнкі з камісіі ААН па папярэджанні злачыннасці і крымінальным правасуддзі.

Палітарганізацыі пераадолелі супярэчнасці і распачалі падрыхтоўку да выбараў новага складу КР. Офіс Ціханоўскай даў адказы на найбольш актуальныя пытанні наконт дзейнасці КР, што матывуе сімпатызантаў дэмакратычнай лідаркі да ўдзелу ў выбарах.

Палітыкі і актывісты імкнуцца вывесці на парадак дня незалежных медыя, каб зацікавіць прыхільнікаў і прыцягнуць іх да ўдзелу ў фармаванні новага складу КР. Незалежныя медыя паступова павялічваюць увагу да гэтага інстытуту дэмакратычных сіл.

Такім чынам, увага да КР будзе павялічвацца разам з набліжэннем выбараў і афармленнем выбарчых спісаў, што паспрыяе удзелу шырокай аўдыторыі ў галасаванні.

Вы паспяхова падпісаныя

Падпішыцеся на нашу рассылку

Раз на тыдзень у каардынацыі з групай вядучых беларускіх аналітыкаў мы даем аналітычныя каментары да найбольш актуальных і актуальных пытанняў, у тым ліку да закулісных працэсаў, якія адбываюцца ў Беларусі, на беларускай, рускай і англійскай мовах.
EN
BE/RU
Падпісацца

Сітуацыя ў Беларусі

Травень 13 – Травень 19
Прагледзець усе

Падпішыцеся на нас

Чытаць больш