ГС мабілізуецца ў падтрымку палітзняволенных, у дэмсілах павялічваецца напружанасць

Сітуацыя пагоршылася

Дэмсілы, грамадзянская супольнасць і незалежныя медыя мабілізуюць беларускае грамадства і міжнародную супольнасць у падтрымку палітзняволенных. У дэмакратычных сілах павялічваецца напружанасць з узмацненнем крытыкі ў адносінах да кааліцыі Ціханоўскай.

Дэмсілы мабілізавалі палітэміграцыю і дыяспары на маштабную акцыю супраць размяшчэння ядравай зброі ў Беларусі “Чарнобыльскі шлях — 2023” у болей за 14 гарадах свету.

Грамадзянская супольнасць прыцягвае ўвагу міжнароднай супольнасці да жорсткага абыходжання і катаванняў палітзняволенных. Еўрасаюз занепакоены сітуацыяй са здароўем беларускага палітвязня Віктара Бабарыкі, а незалежныя журналісты матывуюць сваіх чытачоў напісаць лісты палітзняволеннаму.

Ціханоўская спрабуе павялічыць раскол у асяроддзі кіруючага класа і звяртаецца да сілавікоў рэжыму Лукашэнкі.

Дэмсілы дасягаюць посьпеху ў стварэнні ўмоў для міжнароднага пераследу кіруючага класа. ПАСЕ прызнала Лукашэнку датычным да выкрадання ўкраінскіх дзяцей. АПК у супрацы з камандай НАУ працягвае перадачу сведчанняў злачынстваў і парушэнняў міжнароднага права з боку кіруючага класа, у тым ліку наконт перамяшчэння ўкраінскіх дзяцей з акупаваных тэрыторый у лагеры на тэрыторыі Беларусі.

Беларускія журналісты выйгралі ў Камітэце ААН справу супраць ураду Беларусі.

У КР дыскутуюць наконт стратэгіі ўзаемадачыненняў з рэжымам Лукашэнкі з дэмаршам медыйных асобаў, як, напрыклад, сыход экс-палітвязня Аляксандра Кабанава.

Крытыка ў дачыненні да шырокай кааліцыі на чале з Ціханоўскай узмацняецца.

Лідар апазіцыі 1990-х Зянон Пазняк спрабуе аб’яднанаць вакол сябе частку нацыянал-дэмакратаў бескампраміснай крытыкай кааліцыі Ціханоўскай і жорсткіх абвінавачванняў у адносінах да калег па дэмакратычнаму руху.

Былы сябра ініцыятывы сілавікоў ByPol Алег Талерчык агучыў шэраг прэтэнзій у бок прадстаўніка Кабінету па аднаўленні законнасці і правапарадку Аляксандра Азарава.

Такім чынам, напружанасць і ўзаемная крытыка сярод ініцыятыў дэмакратычнага руху павялічваецца разам з скарачэннем аўдыторыі дэмсіл.