Дэмсілы заручаюцца падтрымкай Еўрапарламента, кааліцыя Ціханоўскай кансалідуе дыяспару

Еўрапарламент заклікаў Міжнародны крымінальны суд у Гаазе разгледзець магчымасць выдачы ордэра на арышт Лукашэнкі. Каманда Латушкі перадала доказы выкрадання ўкраінскіх дзяцей і іх вываз на тэрыторыю Беларусі, што выклікае нервовую рэакцыю ахоўнікаў рэжыму, а таксама прымушае актывізаваць кантакты з міжнароднымі інстытуцыямі дыпламатамі Лукашэнкі. Ціханоўская заклікала прыняць меры па прыцягненні беларускіх уладаў да адказнасці, у тым ліку на апошнім пасяджэнні парламенцкай асамблеі NATO, а таксама ў італьянскім парламенце.

НАУ на чале з Латушка актывізуе кампанію па дэлегітымізацыі і міжнароднаму пераследу Лукашэнкі за ваенныя злачынствы і жорсткія рэпрэсіі ў адносінах да апанентаў рэжыму.

Кіраўнік НАУ і прадстаўнік АПК па транзіце ўлады Латушка анансаваў новыя доказы ў расследаванні злачынстваў у дачыненні да беларусаў-пратэстоўцаў. Прычым дэмсілы супрацоўнічаюць у цесным партнёрстве з літоўскімі калегамі.

Офіс Святланы Ціханоўскай анансаваў другую канферэнцыю “Новая Беларусь”, што дазволіць кансалідаваць дыяспару і палепшыць зваротную сувязь з актывістамі грамадзянскай супольнасці.

Дэмсілы працягваюць удасканальваць кадравую палітыку і празрыстасць дзейнасці пад ціскам незалежных медыя і грамадзянскай супольнасці. Офіс Ціханоўскай, Аб’яднаны пераходны кабінет і Нацыянальнае антыкрызіснае ўпраўленне адкрылі прыём заявак на вакансіі.

Аудыторыя незалежных медыя скарачаецца з-за несупынных рэпрэсій і  захадаў па запалохванню, а таксама кампаніі прафілактычнай зачысткі ў сацыяльных сетках, вялікіх тэрмінаў і штрафаў для крытыкаў рэжыма і іншадумцаў.

Ціск ГС, дэмсіл і міжнароднай супольнасці прымушае кіруючы клас ісці на паступовыя саступкі ў справе ізалявання палітзняволеных. Родныя Бабарыкі трапілі на прыём да адміністрацыі калоніі ў Наваполацку.

КР павялічвае ўплыў на кадравую палітыку Кабінета Ціханоўскай і плануе правесці слуханні для ўзгаднення кандыдатур прадстаўнікоў АПК.

Кіберпартызаны разбураюць міфы беларускай прапаганды наконт працы камісіі па вяртанні эмігрантаў.

АВВА і Асацыяцыя беларусаў у Амерыцы спрабуюць кансалідаваць бізнэсоўцаў-беларусаў з усяго свету. 

Такім чынам, дэмсілы працягнуць канцэнтраваць увагу на аб’яднанне высілкаў беларускай дыяспары і міжнародным ціску на рэжым Лукашэнкі.