Дэмсілы нарошчваюць давер з Кіевам, зялёныя і экс-камуністы перарэгіструюцца

Прадстаўнікі НАУ і Кабінета Ціханоўскай павялічваюць кантакты з афіцыйным Кіевам і спрабуюць палепшыць пазіцыю ўкраінскага кіраўніцтва ў дачыненні да беларускага дэмакратычнага руху. Экс-камуністы з “Справядлівага свету” і эколагі з партыі “Зялёныя” дэманструюць імкненне дасягнуць кампрамісу з кіруючым класам і падаюць дакументы на перарэгістрацыю палітычных партый, але без выканання ўмоў па колькасным складзе арганізацый.

Прадстаўнік Аб’яднанага пераходнага кабінету па транзіце ўлады і кіраўнік НАУ Павел Латушка сустрэўся ў Кіеве з дарадцам кіраўніка Офісу прэзідэнта Украіны Міхаілам Падаляком.

Экс-камуністы з “Справядлівага свету” і эколагі з “Зялёных” прымаюць кампраміснае рашэнне падаць дакументы на перарэгістрацыю сваіх партый, аднак без выканання абноўленых рамачных патрабаванняў з боку рэжыму Лукашэнкі. Палітарганізацыі падалі ў Мінюст дакументы без спісу сяброў.

Частка актывістаў з партый АГП, БНФ, БСДП, “Зялёныя” плануюць ствараць супольны каардынацыйны цэнтр у эміграцыі і, магчыма, наладзіць больш шчыльную кааперацыю з кааліцыяй Святланы Ціханоўскай.

Уплыў дэмсіл на павестку ўнутры краіны працягваецца змяншацца, у тым ліку з-за несупынных рэпрэсій і абмежавальных захадаў ахоўнікаў рэжыму. Так, старонку Святланы Ціханоўскай у Instagram на 153 тыс. падпісчыкаў прызналі экстрэмісцкай.

Дэмсілы, хаця і са спазненнем, але спрабуюць адрэагаваць на рэзанансныя падзеі з цэнтралізаваным іспытам і незадаволенасць бацькоў ужо пасля асабістага ўмяшання Лукашэнкі. Лідар дэмакратычнай Беларусі Святлана Ціханоўская пракаментавала скандальныя вынікі цэнтралізаванага іспыту.

Грамадзянскай супольнасці і праваабаронцам атрымліваецца прыцягваць увагу міжнароднай супольнасці да рэпрэсій у Беларусі. Эксперты ААН і Шведскія парламентарыі запатрабавалі вызваліць беларускіх палітвязняў. Аднак заявы міжнародных арганізацый і замежных урадаў не аказваюць відавочнага ўплыву на змякчэнне ўнутранай палітыкі рэжымам Лукашэнкі.

Польшча ўвяла санкцыі супраць 365 чалавек і 20 арганізацый з Беларусі.

Такім чынам, частка партыйцаў з ліквідаваных арганізацый пасля перарэгістрацыі могуць працягнуць дзейнасць у выглядзе аргкамітэтаў унутры краіны.