Дэмсілы ўмацоўваюць кантакты з краінамі НАТО, пратэсны рух дэматываваны рэпрэсіямі
Дэмсілы дабіваюцца значных поспехаў у прадстаўніцтве і прасоўванні павесткі грамадзянскай супольнасці на міжнародным узроўні праз удзел лідара дэмакратычнай Беларусі ў саміце НАТО ў Вільні, а таксама сустрэчы з прэзідэнтам ЗША Джо Байданам. Дэмсілы пачынаюць выпрацоўваць пазіцыю наконт удзелу ў выбарчай кампаніі 2024 года, аднак пратэсны рух унутры краіны знаходзіцца ў дэматываваным стане з перавагай падыходаў да ігнаравання палітычнай кампаніі.
![Дэмсілы ўмацоўваюць кантакты з краінамі НАТО, пратэсны рух дэматываваны рэпрэсіямі](https://belarusinfocus.pro/wp-content/uploads/2023/07/tikhanovskaya_ivent_1207.jpg)
Дэмакратычныя сілы кансалідуюць палітэміграцыю і спрабуюць узмацніць кантакты з мясцовымі самакіраваннямі Польшчы. На адкрыцці сквера Вольнай Беларусі ў Беластоку прысутнічалі лідар дэмакратычнай Беларусі Святлана Ціханоўская, дыпламаты і кіраўніцтва горада.
Дэмсілы працягваюць прыцягваць увагу заходніх сталіц да праблемы ўзмацнення залежнасці Беларусі ад Расіі, а таксама вядуць кампанію па дэлегітымізацыі і міжнароднага пераследу рэжыма Лукашэнкі.
Ціханоўская выступіла ў заключны дзень саміту НАТО ў Вільні на мерапрыемстве з пытаннем размяшчэння ядзернай зброі ў Беларусі ў кантэксце рэгіянальнай бяспекі. Лідар дэмакратычнай Беларусі Ціханоўская сустрэлася з прэзідэнтам ЗША Джо Байданам.
Аднак разам з ізаляцыяй афіцыйнага Мінску ад міжнароднай супольнасці дэмсілы сутыкаюцца з рызыкай змяншэння ўвагі да Беларусі і спробаў сінхранізацыі беларускага пытання з расійскім праз страту суб’ектнасці Беларуссю. Так, уплыў дэмсіл не ўнутрыбеларускую павестку нязначны, а рэжым Лукашэнкі ўспрымаецца як нелегітымны з перадачай рэштак суверэнітэту Крамлю.
Рыторыка кааліцыі Ціханоўскай усё болей арыентуецца на праеўрапейскую аўдыторыю з выразным геапалітычным выбарам на карысць ЕС і НАТО, а таксама з дэзінтэграцыяй з Расіяй і постсавецкай прасторай: выхаду з АДКБ, Саюзнай дзяржавы і ЕАЭС. Гэта ўваходзіць у дысананс з грамадскім меркаваннем унутры Беларусі, дзе большасць насельніцтва прыхільна адносіцца да Расіі.
Дэмсілам атрымліваецца прасоўваць інтарэсы грамадзянскай супольнасці праз супрацоўніцтва з урадамі суседніх з Беларуссю посткамуністычных краін ЕС, як Польшча, Літва і Латвія.
Сярод экспертаў і палітарганізацый распачынаецца дыскусія наконт удзелу ў кампаніі па выбарах мясцовых саветаў, парламента і УНС у лютым 2024 г. Па ўсёй верагоднасці, ахоўнікам рэжыму атрымалася дэматываваць пратэсны рух. Сярод дэмакратычнага ядра пераважаюць пазіцыі ігнаравання або байкоту выбарчай кампаніі. Пры гэтым, да старту выбарчай кампаніі ўсе зарэгістраваныя палітпартыі будуць, хутчэй за ўсё, ужо ліквідаваны.
Такім чынам, існуюць спрэчкі і напружаннасць у асяроддзі дэмсіл у выніку дыскусій наконт удзелу ў выбарах 2024 г.
Падпішыцеся на нашу рассылку
Сітуацыя ў Беларусі